Euro diġitali
L-euro diġitali jkun forma diġitali ta’ flus kontanti, maħruġ mill-bank ċentrali u huwa disponibbli għal kulħadd fiż-żona tal-euro.
Qed naħdmu mal-banek ċentrali nazzjonali taż-żona tal-euro biex nistudjaw il-possibilità li jinħareġ euro diġitali. Din tkun munita diġitali ta’ bank ċentrali, ekwivalenti għall-flus kontanti iżda elettronika. L-euro diġitali jikkumplimenta l-karti tal-flus u l-muniti, u jagħti lin-nies għażla addizzjonali kif iħallsu.
Euro diġitali
Il-flus tal-Bank Ċentrali f'forma diġitali, disponibbli għal kwalunkwe pagament elettroniku fi ħwienet, online jew minn persuna għal persuna
Mistoqsijiet Komuni
L-euro diġitali kif se jgħinni? L-euro diġitali kif ikun differenti mill-istablecoins u l-kriptoassi? L-euro diġitali jiggarantixxi l-privatezza tal-utent? L-euro diġitali jieħu post il-flus kontanti? Ara t-tweġibiet għall-mistoqsijiet komuni hawn.
Progress dwar l-euro diġitali
Sir af aktar dwar il-progress li sar matul il-fażi ta’ tħejjija tal-proġett tal-euro diġitali, li tnieda f’Novembru 2023.
L-AKTAR PUBBLIKAZZJONIJIET REĊENTI DWAR l-EURO DIĠITALI
SIBHOM HAWN
L-euro diġitali meta mqabbel ma'...
... privatezza
L-euro diġitali joffri lin-nies u lin-negozji fiż-żona tal-euro soluzzjoni ta’ pagament bl-ogħla standards ta’ privatezza. Il-BĊE u l-Eurosistema ma jkunux jistgħu jidentifikaw min int jew x'qed tixtri mid-dejta tal-pagament li nirċievu.
Aqra aktar dwar l-euro diġitali u l-privatezza... kriptoassi
Peress li l-euro diġitali jkun appoġġat minn bank ċentrali, ma jkunx kriptoassi. Il-banek ċentrali għandhom mandat biex iżommu l-valur tal-flus, kemm jekk ikun fiżiku kif ukoll jekk ikun diġitali. Il-kriptoassi mhumiex sostnuti jew ġestiti minn xi istituzzjoni ċentrali u m'hemm l-ebda garanzija li tista' tiskambjahom ma' flus kontanti meta jkollok bżonn.
X’inhi d-differenza?...investimenti.
L-euro diġitali jkun imfassal bħala mezz ta’ pagament aktar milli strument għall-investimenti finanzjarji. Qed neżaminaw din il-kwistjoni bir-reqqa biex nevitaw konsegwenzi negattivi għas-settur finanzjarju. L-euro diġitali għandu jkun beni pubbliku li jkun ta’ benefiċċju għall-ekonomija u għas-soċjetà kollha kemm hi.
L-euro diġitali Nirribattu l-biżgħat tal-banek dwar it-telf tad-depożiti... ħlasijiet pan-Ewropej
Aħna stabbilejna strateġija komprensiva ta’ pagamenti għall-era diġitali. L-għan tagħna huwa li niżguraw li l-pagamenti Ewropej ikunu appoġġati minn suq kompetittiv u innovattiv li kapaċi jissodisfa d-domandi tal-konsumaturi filwaqt li jippreserva s-sovranità Ewropea.
L-istrateġija tal-ħlasijiet bl-imnut tagħnaIl-Podcast tal-BĊE:
L-euro diġitali: xiex, għaliex, meta? (Parti 1 u 2)
Għandna bżonn euro diġitali? Għaliex għandna bżonnu? Kif se jkun? U kif se jkun differenti minn mezzi oħra ta’ ħlas? Il-preżentatriċi tagħna Katie Ranger tagħmel dawn il-mistoqsijiet lill-espert dwar l-euro diġitali, Evelien Witlox.
Isma’ l-episodji tal-podcastL-euro diġitali, demistifikat
Qed inħejju għall-possibbiltà li noħorġu l-euro diġitali. Dan qed iqajjem ħafna interess − u kunċetti żbaljati – minkejja l-fatt li għadha ma ttieħdet l-ebda deċiżjoni. L-ospitu tagħna Stefania Secola u l-kap tal-proġett tal-euro diġitali Evelien Witlox jiddiskutu xi miti.
Isma’ l-episodju tal-podcastOqgħod attent minn frodi
Nafu li hemm emails u siti web foloz li qegħdin jitolbu lin-nies biex jinvestu fl-euro diġitali. Dawn huma skemi qarrieqa. Aħna qatt ma nistaqsu lin-nies dwar investimenti, flus jew nitolbuhom informazzjoni personali. Jekk taħseb li sfajt vittma ta’ frodi, ikkuntattja lill-pulizija lokali tiegħek.