In-naħa l-komuni

In-naħat komuni tat-tmien muniti tal-euro għandhom disinji differenti:

• Il-muniti taż-€2, tal-€1, tal-50, 20 u 10 ċenteżmi fihom jew xbieha tal-Unjoni Ewropea qabel it-tkabbir tal-1 ta’ Mejju 2004 jew, mill-1 ta’ Jannar 2007, xbieha ġeografika ta’ l-Ewropa. Il-muniti maħruġa mill-Italja (inklużi San Marino u l-Belt tal-Vatikan), l-Awstrija u l-Portugall ikun fihom l-iżjed disinn reċenti jekk jinħarġu bid-data "2008" jew data iżjed reċenti biss.
• Il-muniti tal-5 ċenteżmi, taż-2 ċenteżmi u taċ-1 ċenteżmu fihom xbieha tal-Ewropa b’relazzjoni għall-Afrika u l-Asja fuq globu.